Larunbatian narrastixen laginketa batzuk itxen ibili ginan Gorbeiako natura parkian, eta bestiak beste, kolorazio bereziko bi suge ikusi genitxun.
Batetik, kolorazio uniformedun sugegorri kantauriarra, kolore marroi-gorrixkaduna. Sugegorrixen patroi tipikuak zigzag erako bandadun edota bi marra paralelodun bizkarraldia izaten dia. Hau da, hainbat kolore edo tonalidadez osatutako diseinuak. Concolor deitxuriko patroidunek aldiz, tonalidade bakarra erakusten dute, inungo marrarik edo diseinurik gabe. Azken hauek oso berezixak dia eta populazio txiki gutxi batzuk besterik ez dia aurkitzen.
 |
| Sugegorri kantauriarra (Vipera seoanei), concolor patroiduna |
Bestetik, suge gorbatadun jaio berri melaniko bat ikusi genduan. Animali melaniko baten, alterazio genetiko baten ondorioz melanina (pigmentazio iluna) gailentzen da, eta ondorioz, berezko koloraziuan ordez kolore beltza eukitzen dabe.
 |
| Suge gorbatadun (Natrix astreptophora) melanikua |
Suge hauek narrastizale gazte batzuekin batera ikusi nitxuan. Julen Santa Cristina, Aritz Ibarzabal eta Pablo Varona, ia laster elkartzen geran!
Bestioi, hurrengorarte!
