2016/11/23

Pirinioetako harriBITXOEN bila, bideo emanaldixa

Pixkat berandu nabilen arren, bixar emango dogun bideo emanaldi baten propagandia itxera nator. Morkaiko Mendizale Elkartiak urtero antolatzen daban mendi emanaldixen zikluan barruan ingo dogu.

Haritz Arrieta Odria, Aitor Montes Arrondo eta nik, udan indako irteera baten irudixak erakutsiko ditxugu, animali bila eta hauek erretratau eta grabatzen nola ibiltzen geran erakusteko. Eta umorerik ere ez da faltako. 

Bixar, azaruak 24an, izango da, 19:00etan, Elgoibarko Musika Eskolako Auditorixuan. Gonbidatuta zaozte! Animatu!!

2016/10/21

Historiaurreko tresnen errepliken erakusketa

3. urtez jarraixan, Jose Julian Marquez elgoibartarrak, historiaurreko tresnen errepliken erakusketa prestau dau. Urtetik urtera pieza berri eta ikusgarrixauak sortzen ditxu, bere abilezia ikusgarrixari esker. Pieza orijinalen guztiz antzekuak itxen ditxu eta oso elegante geratu zaio aurtengo erakusketa ere.

Urriak 14an zabaldu zan eta 28arte egongo da ikusgai, Elgoibarko Kultur Etxian, astelehenetik larunbatera, 18:30etik 20:30era.

Erakusketako argazki batzuk erakusten dizkizuet.



















Aurten, berrikuntza gisa, erotismuari lotutako pieza batzun erreplikak ere erakusten dizkigu.




Aurreko larunbatian tailerrak antolatu zitxuan, eta horren ostian, erausketako piezen inguruko azalpenak eman zizkien bertaratutako guztiei. Lan ona!

Jose Julian Marquez, azalpenak ematen

Animau zaitxezte erakusketa bertatik bertara ikustera!

Beste bat arte!

(Traducción al castellano)

2016/10/05

Hegoaldeko suge leuna (Coronella girondica)

Astearte iluntzian ikusitxako hegoaldeko suge leun baten argazkixak erakusten dizkizuet. Badatoz tenperatura hotzak eta laster hasiko dia ezkutatzen narrastixak.








(Traducción al castellano)

2016/09/06

Zata arrunta (Caprimulgus europaeus)

Gehixenentzat hegazti ezezaguna izango da zata, ohitxura gautarrak ditxuan txorixa da eta. Egunez basoko lurrian ezkutauta egon ohi da eta oso ondo kamuflatzen danez, oso oso zaila da aurkitzen. Gauez baina, intsektuak ehizatzera irtetzen da eta orduan izaten da ikusteko unerik aproposena. Errepidietako asfalto gainian jartzeko ohitxura haundixa daukate gainera, eta horri esker, toki aproposetan nahiko errez aurkitxu daitxezke.

Hurrengo bidixo eta argazkixetako zata, zapatu gabian aurkitxu genduan, Elgoibarko baserri bide batian. 


Zata arrunta (Caprimulgus europaeus)







Oso oso hegazti konfiaua da eta poliki ibili ezkero, gerturatzen lagatzen da. Hurrengo argazkixetan ikusten dozuen bezela, zata honen kasuan, ondo-ondora gerturatu ginan. Sinestezina!!

Haritz Arrita, zata ondo onduan daukala
Ni, zatakin parez-pare
... eta zata lasai asko
Frikikerixetan hasitxa, selfie bat ere atera genduan zatakin..., jeje 
Beste bat arte!!

(Traducción al castellano)

2016/08/01

Alpetar kakalardo adarluzea (Rosalia alpina)

Gaur intsektu berezi bat erakusten dizuet, bere kolorazio bitxixagatik bereizten dana. Ez da inundik inora arrunta, baina zorionez, Elgoibarko txoko baten behintzat urtero azaltzen da aleren bat. Haritz Arrieta Odria eta Arkaitz Irureta Arrieta dia horren testigu eta aurten ere beraien tokia jasota erretratau dot hurrengo alpetar kakalardua. Mertzi pareja!


Alpetar kakalardo adarluzia (Rosalia alpina)




Beste bat arte!

(Traducción al castellano)

2016/07/24

Oñatiko narrastixen ikastaroko argazkixak

Uztail hasieran, Oñatiko natur eskola eta Aranzadi zientzia elkartian elkarlanian, Oñatiko narrastixen ikastarua antolatu zan, eta Egoitz Alkorta Miranda eta ni ibili ginan "irakasle" lanetan. Natur eskolan elkartu ginan, teoria pixkatekin hasteko. Azalpen teorikuen ostian, Aranzadiko kolekzioko hildako indibiduak erakutsi genizkien, eta gero, ikasitxakua praktikan jartzera jun ginan mendira.

Azalpen teorikuak ematen
Narrastixak bilatzeko eguraldi oso eskasa zauan (tenperatura bajuak eta eurixa noiz behinka), baina hau kontuan hartuta, nahiko ondo jun zan eguna. Jendia oso gogotsu etorri zan eta lan bikaina in zeben bitxo bila! Horma sugandila (Podarcis muralis) eta sugandila arre (Podarcis liolepis) dexente, ziraunak (Anguis fragilis), iparraldeko suge leun (Coronella austriaca) bat eta hiru hegoaldeko suge leun (Coronella girondica) ikusi genitxun. Anfibio batzuk ere azaldu zian. Apo arrunta (Bufo spinosus), txantxikua (Alytes obstetricans), baso-igel gorrixa (Rana temporaria) eta uhandre palmatua (Lissotriton helveticus).

Hegoaldeko suge leuna (Coronella girondica)
Sugandilak identifikatzen



Zirauna (Anguis fragilis)

Hegoaldeko suge leuna (Coronella girondica)


Apo arruntak (Bufo spinosus)

Iparraldeko suge leuna (Coronella austriaca)

Sugandilan arrautzak

Uhandre palmatuan (Lissotriton helveticus) larbak
Taldeko argazkixa
Talde jatorra animau zan eta Egoitz eta ni ere gustora ibili ginan, giro onian. Amaitzeko, eskerrik asko Julen eta Maiderri ateratako argazkixengatik. 

Ikusi arte!

(Traducción al castellano)