Naturzalia: Gallotia

Gallotia etiketadun mezuak erakusten. Erakutsi mezu guztiak

2020/04/04

Tenerifeko argazki batzuk - Algunas fotos de Tenerife

Gabonetako oporretan astebeteko egonaldixa in naban Tenerifen. Ez nitzan bitxo bila jun, baina gure etxe inguruan narrasti dexente ikusten zian. Tenerifen espezie gutxi daude, baina gutxi hoiek Kanarietako endemismuak dia behintzat. Besterik gabe, argazki batzuk erakutsiko dizkizuet.

En las vacaciones de Navidad pasé una semana en Tenerife. No fui a buscar bichos, pero alrededor de nuestra casa se veían bastantes reptiles. Hay pocas especies en Tenerife, pero esas pocas son al menos endémicas de Canarias. Simplemente, os muestro algunas fotos.

Tenerifeko musker iluna - Lagarto tizón o lagarto de Canarias occidental (Gallotia galloti)

Kanaria mendebaldeko eskinkoa - Lisa dorada (Chalcides viridanus)

Delalanderen dragoitxoa - Perenquén común o de Delalande (Tarentola delalandii)

Hegaztixetan gutxiau fijatzen naizen arren, endemismo berezi batzuk ikusteko aukera ere euki naban.

Aunque me fijo menos en las aves, tuve la oportunidad también de ver algunos endemismos especiales.

Txonta urdina - Pinzón azul (Fringilla teydea)

Kanarioa / Canario silvestre (Serinus canaria)

Kanarietako amilotx urdina / Herrerillo canario (Cyanistes teneriffae)

Txinbo burubeltza / Curruca cabecinegra (Sylvia melanocephala)

Okil handia / Pico picapinos (Dentrocopos major), emea

Okil handia / Pico picapinos (Dentrocopos major), arra

Amaitzeko, Teideko pare bat argazki erakusteko aprobetxatzen dot. Oinez igo eta gero, tontorretik egunsentixa ikustia pasada bat da.

Para terminar, aprovecho para mostraros un par de fotos del Teide. Después de subir andando, ver el amanecer desde la cima, es una pasada.

Egunsentixa Teide puntatik ikusitxa. Parian Kanaria Handia ikusten da - El amanecer visto desde la cima del Teide. En frente se ve Gran Canaria.

Teiden itzala itsasuan islatzen da, itsasuan islatutako munduko itzal haundixena eratuz - La sombra del Teide se refleja en el mar, siendo la mayor sombra del mundo reflejada sobre el mar

Bidian elur zati txiki batzuk gelditzen zian - En el camino quedaban algunos parches de nieve

Teideko argazki tipikua: "Roque Cinchado" eta atzian Teideko tontorra - Típica foto del Teide: Roque Cinchado con la cima del Teide al fondo.

Hurrengo arte!

¡Hasta la próxima!

2014/12/03

Gallotia intermedia - Tenerifeko narrastixak 2

Tenerifeko narrastixekin jarraitzen, irlako beste muskerran txanda da, "lagarto canario moteado", "lagarto gigante de Tenerife" edo "lagarto gigante de Teno" (Gallotia intermedia) muskerrana hain zuzen ere.

Gallotia intermedia

Musker hau 1996xan aurkitxu zuten lehen aldiz. Oin dala 18 urte bakarrik! Izan ere, Tenerifeko 2 eremu helezin txikitan bakarrik bizi da. Gizakixan ekintzen eta kanpoko espezieak sartzian ondorioz desagertzeko zorixan dau eta gelditzen dian indibiduo urriak itsaslabarretan bakarrik bizi dia. Gauzak horrela, oso zaila (ez esatiarren ezinezkua) da musker hau ikustia. Gainera, espeziea kontserbatzeko helburuakin, publikuantzat itxita daude itsaslabarretako hainbat eremu.

Hala ere, gatibutasunian dauden indibiduo batzuk ikusteko aukera euki naban Jaime A. de Urioste Rodríguezi esker. Neotrópico fundazioko presidentia eta ikerkuntzako koordinadoria da Jaime. Espezie berri bat aurkitzen danian, espeziea identifikatzeko 4 indibiduo harrapatzen dia. Kasu honetan, Neotrópico fundaziua eta beste zientzialari batzuk izan zian espeziea deskribatzeko arduradunak. Eta oindikan bizirik daude 96xan harrapautako 4 indibiduetako 3. Hauetaz aparte, aurreko urtian harrapautako beste pare bat musker ere ditxuzte, gatibutasunian hazkuntza proiektu bat martxan jartzeko asmotan.

Ez da inundik inora berdina naturan solte edo gatibutasunian ikustia, baina dauan egoeran egonda, eta gatibutasunian ikustia ere oso jende gutxin esku daola jakinda, zortedun sentitzen naiz.

Beste behin ere eskerrak Neotrópico fundazioko Jaime A. de Urioste Rodríguezi. ¡Muchas gracias Jaime!

Gallotia intermedia

Amaitzeko, aurreko muskerran egoera larrixa ikusitxa, oin dala urte asko desagertu zan espezie bat aipatzia ere nahiko nuke. "Lagarto gigante" (Gallotia goliath) muskerra, Tenerifen eta agian Gomera irlan ere bizi izan zan. Arkeologia-aztarnategixetan aurkitxutako hainbat hezurrek, irlako aborigenek (guantxeek) jaten zitxuztela erakutsi dute. Espainolek Kanariar Uhartiak konkistau ondoren desagertu zian.

Beheko argazkixan daukazue musker honen arrasto garbi bat. Tenerifeko naturan eta gizakixan museuan ikusgai dauan momifikautako musker bat da.

Gallotia goliath

2014/12/02

Gallotia galloti - Tenerifeko narrastixak 1

Azaro hasieran Tenerifen egon nitzan astebete inguru eta hainbat bitxo ikusteko aukera euki naban. Argazki dexente atera nitxuan eta danak batera erakutsi biharrian, sarrera desberdinetan jarriko ditxut. Narrastixen kasuan, 4 espezie lehortar bakarrik daude eta espezie bakoitzeko sarrera bat preparau dot. Kasu hauetan, espezie hauek Euskal Herrixan ez egotera, ez daukabe euskerazko izenik eta horregatik, erderazko izenak aipatuko ditxut, izen zientifikuakin batera.

Narrastixen lehen sarrera hau, irlan zihar gehixen ikusten dan narrastixari dedikauko diot, "lagarto tizón" (Gallotia galloti) deitzen dan muskerrari. Tamaina ertaineko musker hau, Tenerifen eta La Palman bakarrik bizi da. Oso oso ugarixa da eta nere osaban etxe inguruak musker hauetaz jositxa zeuden. Zoritxarrez egualdi txarra (edo ez hain ona) euki naban orokorrian (Kanariasera jun ta eguraldi txarra tokau bihar...) baina eguzki izpi batzuk irtetzen zian bakoitzeko leku guztietatik irtetzen zian muskerrak. Etxetik kalera errepidian behera ere, 5 metro bakoitzeko musker bat egoten zan asfalto gainian. Eta zelaiko harrixak jasotzen, 3tik baten musker gazte bat irtetzen zan.

Argazkixetan ikusten dan bezela, kolorazio desberdin askotakuak daoz. Arrak haundixauak izaten dia eta proportziuan burua ere haundixaua dakabe. Kolorazio aldetik, orokorrian emiak marroitxuauak dia eta arrak beltz edo urdinauak. Gaztiak ere marroiak izaten dia.

Interneteko leku askotan 3 subespezie daudela irakurri daiteke baina bertako aditu batek bi subespezie berdinak diala esan zian. Ezin diala desberdintzat hartu. Beraz bi subespezie izango zian, iparraldekua eta hegoaldekua.

Jarraixan irlako leku desberdinetan ateratako argazkixak erakusten dizkizuet.